منهـو القاسـي!!؟]]

من طرف **لحووون** الجمعة سبتمبر 28, 2007 2:34 pm

--------------------------------------------------------------------------------

السلام عليكم ورحمة الله وبركاته ,,

اعضاء منتدى لحن الحياة الاعزاء

يشرفني ويسعدني ان اقدم لكم هذه القصيدة المتواضعة تحت عنوان
(منهو القاسي)

واتمنى ان تحوز على رضاكم واعجابكم ..

يمكن قسى قلبـي ويمكـن قسيتـه
طيب وش آخر مرحلـة إبتعـادي
يكفي عطيته شـي ماقـد عطيتـه
يكفي وبينت له البُعِد شـي عـادي
قلبي غريب الـدار عايـش فبيتـه
كنه فـوادي غيـر وانتـه فـوادي
مابظلمك لو قلـت قلبـي نسيتـه
وانك على الفرقى نويـت التمـادي
كن الذي بينـك بسرعـة نهيتـه؟
ولاهو حلمن زارنـي فـي رقـادي
تقدر على هدم الـذي قـد بنيتـه؟
وانت الذي تملك مبانـي بـلادي؟
هذا العنى ماهوب مثـل ماعنيتـه
لانك حقيقة ساكنـه فـي فـؤادي
قلبي فدالـك خـذه لـو مارضيتـه
واعرِف ترى ذا مطلبي من وكـادي
وشعاد لو قلبـي لحبيبـي فديتـه
ماكان شي يغلـى علـى ماينـادي
والحين بيّن لـي وشاللـي نويتـه
واتْخيّل انْ عينـي فعينـك وبـادي
واتذكـر الايـام كـل مـا وفيتـه
وايدي فأيدك يوم جالـس قصـادي
ساعتها تقـدر تنـوي ابمابغيتـه
بس لو بتجرحني فصير اقتصـادي
لك كل عمري لك خفوقـي وبيتـه
لك عالمي لـك دنيتـي يامـرادي
اسمع عشاني بس قلبـي وصيتـه
ضاق الوَقِت والهـم عيـا يعـادي
لامن تذكـرت الـذي قـد مضيتـه
اعرف ترى الي صار ماهوب عنادي
بعد الكـلام الـي بطولـه قريتـه
قلي وشو بيصيـر تالـي بِعـادي
مابظلمك لو قلـت قلبـي نسيتـه
وان الحياه دوني بعد شـي عـادي

القصيدة في ابيات

تحياتي : المدير العام